Con motivo do Día Internacional da Muller, celebrado cada 8 de marzo, o Ministerio de Traballo e Economía Social puxo en marcha unha campaña para visibilizar as situacións de machismo que moitas mulleres seguen vivindo no ámbito laboral e promover contornas de traballo libres de discriminación.
A través dunha serie de pezas gráficas baseadas en testemuños reais, a campaña deu voz a mulleres de distintos sectores profesionais que compartían experiencias de comentarios sexistas, estereotipos, insultos ou actitudes discriminatorias sufridas durante o desempeño do seu traballo. Cunha linguaxe directa e unha proposta visual centrada na forza das palabras, a iniciativa convidaba a reflexionar sobre condutas que, con demasiada frecuencia, seguen formando parte da realidade laboral.
Con esta campaña, o Ministerio reafirmou o seu compromiso coa igualdade entre mulleres e homes, pondo o foco na necesidade de erradicar o machismo no traballo e seguir avanzando cara a espazos laborais seguros, respectuosos e igualitarios.
Creación propia
